"İnformasiya təhlükəsizliyində belə bir yanaşma var ki, insan məlumatı nə qədər məxfi saxladığı təqdirdə o qədər onun təhlükəsizliyini təmin etmiş olur. Çox təssüf ki, ölkəmizdə və ictimaətimizdə məlumatların qorunması istiqamətində boşluqlar var".
Bunu Faktmedia.az-a Kiber Təhlükəsizlik Platformasının təhsisçi və icraçı direktoru Şahin Aliyev deyib.
O bildirib ki, bu boşluqlardan ən sadəsi sosial həyatımızda şəxsi məlumatlarımızın təhlükəsizliyinə baxmadan paylaşılması, bu məlumatların istəmədən ikinci və üçüncü şəxslərə ötürülmələrinin qarşısını ala bilməmiyimizdir:
"Buna görə kiber hücumlarına məruz qalırıq. Təbii ki, kiber təhlükəsizlik və informasiyanın mühavizəsi sahəsində məşğul olan şəxslər hücumların qarşısını almaq üçün bir çox marifləndirmə fəaliyyətlər aparılır. Bununla birlikdə dünya səviyyəsində hücumlar, dövlətlərin bir birinə qarşı apardığı kiber hücumlar var ki, burada əsas məqsəd məlumatların ələ keçrilməsidir. Təbii ki məlumat böyük bir gücdür və bu gücdən istifadə etmək üçün dövlətlər bu cür hücumlar təşkil edirlər. Azərbaycanda fərdi olaraq ən çox məruz qaldığı kibrer hücumları sosial mühəndislik (Fişinq) növüdür. Bədniyyətli Xakerlərin əsas məqsədi maddiyyat əldə etmək, məlumatları satmaq və ya öz istəklərini yerinə yetirməkdir. Günümüzdə ən çox bu hücumlardan nəsibini alan şəxsi məlumatların ələ keçirilməsi və şəxsi hesablarımızıdır".
Havar Şəfiyeva