"Mən bu gün bir ziyalı kimi ermənilərə "Ağlınızı başınıza yığın!" deyə səslənərdim, amma olmayan şeyləri necə yığsınlar başlarına?".

Bu fikirləri Faktmedia.az-a tanınmış yazıçı Seyran Səxavət son günlər baş verən hadisələrdən sonra ictimai xadim kimi ermənilərə sülh çağırışı etsəydiniz nə deyərdiniz sualına cavab olaraq deyib. 

Yazıçı əlavə edib:

"Bizim erməni xalqı ilə yox, "qabaqda gedənləri" ilədir problemimiz. Onların ağlı yoxdur ki, başlarına yığsın. Mən onlara səhər, günorta, axşam  "Dəmir yumruğu" göstərərəm. Görünür erməni dili deyilən bir şey yoxdur onlar üçün, bir dil var, o da "Dəmir yumruq" dilidir. Bu mənim həqiqətimdir və mənim bir ziyalı, bir yazıçı kimi mövqeyim bundan ibarətdir".

Rəna Həsənova