"Əslində mahnı 35 il bundan qabaq yazıldığına baxmayaraq, sözləri indiki dövrdə olduqca aktualdır və yeni tərzdə təqdim olunması dinləyicilərin diqqətini çəkəcəyi şübhə yaratmırdı. Amma rezonansın bu qədər parlaq olacağını qısa zamanda gözləmirdik. Bu sözsüz ki, çox sevindirici haldır".
Bunu Faktmedia.az-a "Dərviş" band qrupu deyib.
"Niyaməddin müəllim bizim bu təşəbbüsümüzü böyük sevgi ilə qarşıladı. Məhz, onun xeyir-duası bizim üçün çox vacib idi. Qrupumuzun "instagram" profilində bununla bağlı marağlı video paylaşım ilə tanış ola bilərsiz. Niyaməddin müəllim bizim qonağımız olaraq bizə xeyir dua verib, müvəffəqiyyətlər arzu elədi. Planlarımız iri miqyaslıdır. Tezliklə 7 aprel tarixində sözü gedən "Dünya sənin, Dünya Mənim" mahnısı bütün rəqəmsal platformalarda daha bir sürpriz ilə birgə olacaq. Bundan başqa da daimi dinləyicilərimizi yeni işlərlə sevindirəcəyik. Yeni işlər, maraqlı layihələr və dinləyicilərin marağına səbəb olacaq çox-çox sürprizlərimiz var. Odur ki, qaçırmayın və bizimlə qalın".
Havar Şəfiyeva