Faktmedia.az Bəsti Məmmədin "TikTok"un xanımları" yazısını təqdim edir:

Azərbaycan cəmiyyəti onsuz da kitab oxumaq istəmirdi. 

Dəqiq istəmirdi? Yox, əslində istəyirdi. Amma qayğıları, məhz elə məişət qayğıları imkan vermirdi kitab oxumağa. Bəs sonra nə oldu? Sonra “TikTok”a köçdülar.

Bəli, yaşayış yerini o mübhəm şəbəkəyə daşıdılar. Belə də ki, niyə qınayırıq e camaatı? Bu qədər ağır iş-güc, qayğıdan sonra bir də oturub ağlamalı, dərd çəkməli deyillər? Ən azından bir az gülürlər, əylənillər.

Amma utanıram da deməyə, bu şəbəkə hər şeyi əlimizdən aldı: gələcəyimizi, uşaqlarımızı, mənəvi dəyərlərimizi?
Necə?

Cammat tanınsın, ya pul qazansın deyə orada çıxdığı hoqqalardan xəbəriniz yoxdur?

Qadınların orada nələr etdiklərini görmürsünüz? Əgər görmürsünüzsə, noolar görməyin. Görmək üçün can da atmayın.
Bu yerdə bir də demək istəyirəm ki, axı kitabdan danışırdıq. 

Hə, deməli, kitab oxumaq üçün vaxt yoxdu. Bəs necə edək vaxtımız olsun? Heç nə etməyək, onsuz da edə bilməyəcəyik.
Bircə bizim indi qorumalı, gözləməli olduğumuz məqamlar var. Uşaqlarımızı qorumalıyıq. Ailəmizi qorumalıyıq. Evimizi, kəndimizi qorumalıyıq. Aşınıb gedən dəyərlərimizə sahib çıxmalıyıq.

“TikTok”a girmə desək, kimdi qulaq asan. Ya da kitab oxuyun desək...

Bir də müharibələr də başladı...