VII çağırış Azərbaycan Respublikası Milli Məclisinin deputat seçkilərinə az bir vaxt qalsa da, VI çağırışın bəzi deputatlar var ki, onları ölkənin vətəndaşları tanımır. Başqa seçki dairələrindən olan seçiciləri bir kənara qoysaq, heç öz öz seçki dairələrində də tanınmırlar. Tanınmaları üçün addım atmırlar, seçiciləri ilə görüşmədikləri kimi, Milli Məclisdə də passiv fəaliyyət nümayiş etdirirlər. Hətta, ölkədə baş verən hansısa məsələyə münasibət bildirməkdən də yayınırlar. Xarici diplomatlar Azərbaycan haqqında çıxışlar edərsə, onlara qarşı cavab verməkdə də dinamiklik görülmür. Əslində, qanunvericiliyə görə, deputatların xalqı təmsil etmək hüququ var. (Maddə 4 - Xalqın seçdiyi səlahiyyətli nümayəndələrindən başqa heç kəsin xalqı təmsil etmək, xalqın adından danışmaq və xalqın adından müraciət etmək hüququ yoxdur)

Faktmedia.az mandatı olub, aktiv fəaliyyəti olmayan deputatları araşdırıb. Ən passiv deputatları belə quruplaşdırmaq olar:

Dairə: 106 saylı Tovuz-Qazax- Ağstafa - Deputat Ülviyyə Ağayeva
Dairə: 57 saylı Kürdəmir seçki dairəsi - Deputat Ağazadə Əminə
Dairə: 100 saylı Şəmkir-Daşkəsən seçki dairəsi - Deputat Kamran Bayramov
Dairə: 39 saylı Kəpəz birinci (Gəncə) seçki dairəsi - Deputat Müşfiq Cəfərov
Dairə: 118 saylı Ağdam şəhər - Deputat Bəxtiyar Əliyev
Dairə: 45 saylı Abşeron seçki dairəsi - Deputat Oktay Əsədov
Dairə: 43 saylı Sumqayıt üçüncü seçki dairəsi - Deputat Emin Hacıyev
Dairə: 88 saylı Göyçay seçki dairəsi - Deputat Sabir Hacıyev
Dairə: 32 saylı Suraxanı üçüncü seçki dairəsi - Deputat Afət Həsənova
Dairə: 125 saylı Zəngilan-Qubadlı seçki dairəsi - Deputat İmamverdi İsmayılov
Dairə: 81 saylı Beyləqan seçki dairəsi - Deputat Şahin İsmayılov
Dairə: 56 saylı Xaçmaz kənd seçki dairəsi - Deputat Sevil Mikayılova
Dairə: 119 saylı Ağdam kənd -  Deputat Bəxtiyar Sadıqov
Dairə: 27 saylı Sabunçu ikinci seçki dairəsi - Deputat Əliabbas Salahzadə
Dairə: 46 saylı Şirvan seçki dairəsi - Deputat İltizam Yusifov
Dairə: 34 saylı Xətai ikinci seçki dairəsi - Deputat Mixail Zabelin

Bu deputatların Milli Məclisdə hansısa aktiv çıxışı, mətbuatda səs-küylü açıqlamaları demək olar ki, yoxdur. Demək olar ki, siyahıda yer alan deputatların bəziləri vaxtı ilə məşhur olsa da, Vl çağırışda heç bir aktivlik göstərməyiblər. Həmçinin siyahıda yer alan deputatların bəziləri eyni dairədən təkrar seçiənlərdir. 

Milli Məclisin ən aktiv deputatları isə Fazil Mustafa, Siyavuş Novruzov, Musa Qasımlı, Sabir Rüstəmxanlı, Musa Quliyev, Arzu Nağıyev, Məlahət İbrahimqızı, Müşfiq Məmmədli, Elnur Allahverdiyev, Fəzail Ağamalı, Fəzail İbrahimli, Sahibə Qafarova (spiker), Tural Gəncəliyev, Naqif Həmzəyev, Razi Nurullayev, Ceyhun Məmmədov, Vüqar Bayramov, Erkin Qədirli, Zahid Oruc, Qənirə Paşayeva, Elman Nəsirov, Rəşad Mahmudov, Kamal Cəfərov, Rüfət Quliyev, İqbal Məmmədov və bir neçə deputatın adını da çəkmək olar. Bu siyahıda yer almayan onlarla deputat məşhur olsa da, onlar sadəcə yazılı mediaya hansısa yazı göndərib çap etdirməklə kifayətlənirlər. Aktiv statusları demək olar ki, yoxdur. 

Xatırladaq ki, Azərbaycan Milli Məclisin VI çağırış deputatları — 2020-ci il fevralı 9-da baş tutan seçkilər əsasında formalaşdırılıb. VI çağırış Milli Məclisin sədri YAP üzvü Sahibə Qafarova, sədrin birinci müavini bitərəf Adil Əliyev, sədrin müavinləri isə VHP üzvü Fəzail İbrahimli və YAP üzvü Əli Hüseynlidir. Milli Məclisin VI çağırış deputatları sırasında ən  gənci isə 1993-cü il təvəllüdlü Səbinə Xasayevadır. 

Bəsti MƏMMƏD