"İrşad Electronics" vətəndaşa deffekt mal satıb ödəniş tələb edib.
Faktmedia.az xəbər verir ki, belə bir iddia ilə vətəndaş Ceyhun Abdullayev müraciət edib. Onun dediyinə görə, "İrşad Electronics"dən aldığı malda deffekt aşkarlanıb:
"Elektronika mağazası "İrşad Electronics"dən qulaqlıq aldım. Evə gətirdim, istifadə zamanı onda deffekt olduğunu aşkarladım. Məhsulu qaytarmaq istədim, lakin qaytarmadılar. Mən də eləcə aldığım mağazada qoyub gəldim. İndi isə mənə borc məlumatı gəlib. Göstərilir ki, mənim gecikmiş borcum da var. Amma mən o məhsulu istifadə etməyib geri qaytardım".
Məsələ ilə bağlı "İrşad Electronics"dən bildirilib ki, müştəri aldığı qulaqlıqda texniki problem olduğunu, qarşı tərəfi eşitmədiyini bildirib və aldığı qulaqlığı 9 gündən sonra mağazaya gətirib. Bütün qaydalara uyğun olaraq, əgər əmtəə nişanı pozulmayıbsa 14 gün ərzində malın qaytarılması mümkündür. Əgər əmtəə nişanı pozulubsa, texniki nasazlıq varsa bizim texniki servis baxır və problemi aradan qaldırır. Bu məsələdə də müştərinin nasaz oluğunu iddia etdiyi mala texniki servis tərəfindən baxılıb və məlum olub ki, məhsulda hər hansı bir problem yoxdur, problem qarşı tərəfin mobil telefonunda və yaxud şəbəkədədir. Alındığı gündən 9 gün sonra gətirildiyinə görə məhsulun geri qaytarılması da mümkün olmayıb, çünki malın əmtəə nişanı pozulub və üzərində cızıqlar olub. Həmin müştəri məhsuldan imtina edərək onu aldığı mağazada qoyub gedib. Malın təmirə ehtiyacı olmadığına görə 20 apreldə müştəriyə zəng olunub, 24 aprel və 25 aprel səhər saatlarında da müştəriyə zəng olunub, lakin müştəri telefonu açmayıb. 25 aprel saat 17: 12-də müştəri ilə əlaqə saxlamaq mümkün olub və bildirilib ki, məhsulda heç bir texniki nasazlıq olmadığına görə bizim edəcəyimiz heç bir şey yoxdur, gəlib malı götürə bilər. Lakin müştəri yenə də imtina edib. Bizim Problemli Kreditlər şöbəsi tərəfindən dəfələrlə həmin müştəriyə zənglər olunub, borcun yığılması ilə bağlı məlumat bildirilib. Borcun yığılmasına dair zənglər və səs yazıları da qeyd olunub, hansısa bir şəkildə iddia qaldırılan zaman lazım olarsa, onları da təqdim edə bilərik".
Rəna Həsənova