İlon Maska məxsus neyrotexnoloji şirkət Neuralink, kompüter və telefondan əlsiz istifadə üçün insan beyninə çip implantasiya etmək üçün klinik sınaqlar keçirməyə icazə aldığını açıqlayıb.
Faktmedia.az xəbər verir ki, şirkət cümə axşamı yayımlanan bir tvitində "ABŞ Qida və Dərman Administrasiyasından insan üzərində ilk klinik sınaqımıza başlamaq üçün icazə aldığımızı elan etməkdən məmnunuq" deyib.
Klinik sınaq üçün qeydiyyat hələ açıq deyil.
Qeyd edək ki, Neuralink startapı 2016-cı ilin iyulunda Musk tərəfindən neyron interfeyslərin inkişafı və tam avtomatik rejimdə beyinə demək olar ki, qeyri-məhdud sayda elektrodların implantasiyasına imkan verən robotların yaradılması üzrə aparıcı mütəxəssislərin səylərini birləşdirmək üçün yaradılıb. Sahibkarın fikrincə, uzunmüddətli perspektivdə bu cür neyron interfeyslər insana süni intellektə müqavimət göstərə bilən kiborqa çevrilməyə imkan verəcək, həm də insanlara düşüncə gücündən istifadə edərək kompüteri birbaşa idarə etməyi öyrənməyə kömək edəcək.
Havar Şəfiyeva