Respublika Klinik Xəstəxanasının direktoru Elviz Qasımov tutduğu vəzivəsindən ayrılıb.
Faktmedia.az-ın əldə etdiyi məlumata görə, onun işdən ayrılmasının səbəbi hələ ki, məlum deyil.
Saytımıza bildirilib ki, onun sözügedən klinikada işini davam etdirməməsinə səbəb işçilərlə yaranan mübahisəli məsələlərdir.
Belə ki, o xəstəxanaya direktor təyin edildikdən sonra onun qoyduğu qanunlar işçiləri arasında narazılığa səbəb olub.
Məsələ ilə bağlı Respublika Klinik Xəstəxanası ilə əlaqə saxladıq. Xəstəxananın mətbuat xidmətinin rəhbəri Kamal Hacıyev xəbəri nə təsdiq, nə də təqzib etdi.
Qeyd edək ki, E.Qasımov “Respublikanski”yə təyinatından əvvəl Elmi-Tədqiqat Travmatologiya və Ortopediya İnstitutunun direktoru olub.
Xəyalə Məmmədova