"Qeyd etmək lazımdır ki, hazırda xarici ölkəyə köçmək  arzusunda olan gənclərin sayı əvvəlki illərə nisbətən xeyli azalıb. Bu  cənab Prezident İlham Əliyevin rəhbərıiyi ölkəmizdə bütün sahələrdə , o cümlədən gənclərin təhsili ,  məşğulluğu ilə bağlı  həyata keçirilən  uğurlu gənclər siyasətinin   həyata krçirilməsi ilə əlaqədardır.  Bir  çox gəncləri Avropada cəlb edən yüksək  əmək haqqı, həyat şəraiti  artıq tədricən Azərbaycanda da təmin olunur".

Bunu Faktmedia.az-a açıqlamasında Milli Məclisin deputatı Rauf Əliyev deyib.

Onun sözlərinə görə  indi Azərbaycanda gənclərə yaradılan şərait Avropa ölkələri ilə müqayisə oluna bilər:

"2011-ci ildə cənab Prezidentin gənclərlə görüşündən sonra məhz gənclərin istəyi, çağırışı, sosial sifarişi əsasında Gənclər Fondu təsis edilib və fəaliyyət göstərdiyi son illər ərzində minlərlə gəncin  və gənclər təşkilatlarından daxil olan layihələri maliyyələşdirib, yüzlərlə gəncin beynəlxalq tədbirlərdə iştirakını dəstəkləyib. 2018-ci ilin mart ayında yenə də dövrün çağırışları və tələbləri, gənclərin istəkləri nəzərə alınmaqla cənab Prezident tərəfindən Gənclər Fondunun fəaliyyət istiqaməti əhəmiyyətli şəkildə dəyişdirilib və gənclərə daha yaxşı, daha səmərəli, dövrümüzün tələblərinə uyğun fəaliyyət göstərmələri üçün şərait yaradılıb".

Havar Şəfiyeva