İspaniya hökuməti Ukrayna hakimiyyətinə qırıcı təyyarələr göndərməyəcək, Krallığın müdafiə naziri Marqarita Robles bildirib.
Faktmedia.az TASS-a istinadən xəbər verir.
O, Madridin digər dövlətlərin Kiyevə yardımla bağlı qəbul etdiyi qərarlara hörmətlə yanaşdığını vurğulayıb. Ancaq bu, krallığın eyni tədbirləri görəcəyi anlamına gəlmir. Robles həmçinin qeyd edib ki, İspaniyanın sahib olduğu Eurofighter və F-18 qırıcıları xüsusi təlim və təhsil tələb edir.
Polşa prezidenti Anjey Duda daha əvvəl bildirmişdi ki, yaxın günlərdə Kiyev Varşavadan ilk dörd MiQ-29 qırıcısını alacaq. Daha sonra Slovakiyanın baş naziri Eduard Heqer də eyni qərarı açıqlayıb: o qeyd edib ki, ölkə hakimiyyəti Kiyevə 13 MiQ-29 təyyarəsinin verilməsini təsdiqləyib.
Havar Şəfiyeva