"Riskli qidalara daha çox, toyuqdan, moyonezdən, balıqdan, hazırlanan yeməklərə aiddir. İlk növbədə qidanın  mənşəyi məlum olmlıdır. İkinci növbədə evdəki emal prosesinə nəzarət etmək lazımdır. Salat hazırlanıb  otaq temperaturunda  saatlarla saxlayırsa, bu zaman zəhərlənmə halları daha çox baş verir".

Bunu Faktmedia.az-a qida mütəxəssisi Ağa Salamov deyib. O bildirib ki, bu xüsusən, moyonezli, ətli salatlara, eyni zamanda bunlardan hazırlanan isti  yeməklərə də aiddir:

"Ona görə salatları hazırlanan kimi soyuducuya  qoymaq  məsləhətlidir. Eyni zamanda ictimai iaşə müəssələrində də müştərilər gələnə qədər  bu kimi qidalar soyuducular da saxlanılmalıdır. Bəzən isti yeməklər hazırlanmadan öncə əti salafanın içində saxlayırlar. Bu qətiyyən yol verilməzdir, o vaxt bakteroloji çirklənmə yaranır və  ətdə müxtəlif bakteriyalar əmələ gəlir, həmin bakteriyalar insan orqanizmdə  qurdların yaranmasına səbəb olur. Ət məhsulları bişən kimi süfrəyə təqdim olunarsa, bu zaman daha ləzzətli olur. Əgər ət məhsullarını bişirib axşama süfrəyə  təqdim edəcəyiksə, bu zaman o yeməyi saatlarla otaq temperaturunda saxlamaq olmaz. Bu zaman qidanı soyudub, soyuducuya qoymaq  və süfrəyə verilərkən təzədən qaynatmaq lazımdır".

Havar Şəfiyeva