"Mətn başlıqları oxucuların cəlb etməsini nəzərə alaraq yazılır. Ciddi, xüsusi olaraq seçilmiş mətn başlıqları əlavə oxucu gətirir. Ona görə də jurnalistlər bir qayda olaraq, çalışırlar ki, daha cəlb edici formada başlıq qoysun".

Faktmedia.az-a bunu media eksperti Azər Həsrət deyib. O bildirib ki, başlıqlardan başqa da, alt başlıq əlavə etməklə  daha çəkici etməyə çalışırlar:

"Yəni başlıq oxucunu yazıya  pərçimləməlidir. Başlığı oxuyan oxucu məhs o başlığın təsiri altında yazını oxumağa davam etməlidir. Bu baş vermirsə başlıq uğursuz olur. Növbəti alt başlıq oxucunu yazıya daha ciddi şəkildə cəlb etməyə köklənməlidir. Ümumiyyətlə desək, başlıq həvəsləndirməli,  alt başlıq isə oxucunu ciddi şəkildə yazıya çəkməlidir. Bundan əlavə  iri həcmli yazılarda da ara başlıqlardan istifadə  edilir ki, oxucu yorulub, yazıdan əl çəkmək istəyəndə yarım başlıqlar yenidən materialın üzərinə köklənməsinə səbəb olur. Bütün bunlar bir jurnalist texnikasıdır.Yeri gəlmişkən deyim ki  bir çox aparıcı ölkələrdə başlıqları xüsusi olaraq peşəkarcasına seçilməsi üçün ayrıca işçilər olur. Elə uyğun və uğurlu başlıqlar seçməyə çalışırlar ki, oxucular həmin materialı həvəsıə oxusunlar".

Havar Şəfiyeva