"İkinci sinifdən şeir yazıram, hər həftə yazdığım şeirlərimi  sosial şəbəkələrdə paylaşıram. 2013- cür ildə şeir kitabım çapdan çıxıb".

Bunu Faktmedia.az-a aktyor Rəşad Kəsəmənli deyib.

O bildirib ki, kiçik qardaşım Cavidan da şeir yazır, o da aktyordur:

"Bu bizim qanımızda var. Amma bizim də nəslimizdə şairlik Nüsrət Kəsəmənlidən başlamayıb. Ondan öncə atamın əmisi - Şeyda Əziz  də şair olub. Onun da adı bir çox kitablarda, ədəbiyyatda çəkilir".

R. Kəsəmənli əlavə edib ki, şeir yazanlarınız var, amma sırf şeiriyyat sahəsində çalışan yoxdur:

"Ümumiyyətlə şairlik deyə bir məktəb yoxdur, gedib oranı oxuyasan və şair olasan. Şairlik insanın qanında olsa sən onu təkmilləşdirə bilərsən.  Daxilindəki hissləri düzgün şəkildə vərəqə köçürə bilirsənsə sən artıq şairsən".

Havar Şəfiyeva