Haaqadakı cinayət məhkəməsi Putinin “həbs edilməsi” üçün order verib.

Faktmedia.az xəbər verir ki, Beynəlxalq Cinayət Məhkəməsi Rusiya lideri Vladimir Putin və prezidentin uşaq hüquqları üzrə komissarı Mariya Lvova-Belovanın “həbs edilməsi” üçün orderlər verib. 

Belə ki, Beynəlxalq Cinayət Məhkəməsinin II Məhkəməyə qədərki Palatası Ukraynadakı vəziyyətlə əlaqədar Putin və Lvova-Belovanın “həbs edilməsi” üçün orderlər verib. Bəyanatda deyilir ki, bu qərar guya Ukraynadan “Uşaqların qeyri-qanuni çıxarılması ” ilə bağlıdır. Eyni zamanda, Rusiya Xarici İşlər Nazirliyi azyaşlıların Ukrayna ərazisindən zorla çıxarılması ilə bağlı ittihamları yalan adlandırıb.

Vəziyyəti şərh edən Rusiya Xarici İşlər Nazirliyinin rəsmi nümayəndəsi Mariya Zaxarova deyib ki, qərarlar  Moskva üçün əhəmiyyət kəsb etmir. Diplomat xatırladıb ki, Rusiya Beynəlxalq Cinayət Məhkəməsinin Roma Statutunun tərəfi deyil.

Havar Şəfiyeva