Kolumbiyanın Cundinamarca inzibati bölgəsində dünən üç kömür mədənində partlayış baş verib.
Faktmedia.az xəbər verir ki, baş verən partlayışlar nəticəsində ölənlərin sayı 21-ə çatıb.
Cundinamarca valisi Nicolas Garcia açıqlamasında bildirib ki, qapalı qalan mədənçilər həyatını itirib:
"Təəssüf ki, 10 mədənçi həyatını itirdi və ümumi sayı 21-ə yüksəldi. 10 cəsədin çıxarılması üçün işlərə bu gün başlanılır”.
Sutatausa qəsəbəsinin El Cajon bölgəsində El Hoyo, Lucero və La Esperanza adlı kömür mədənlərində də partlayışlar olub və ilk açıqlamada 11 mədənçinin öldüyü bildirilib.
Kolumbiya prezidenti Qustavo Petro sosial media hesabından məlumat yayıb:
“Biz qapalı qalan mədənçiləri xilas etmək üçün qubernatorluqla birlikdə lazım olan bütün səyləri edirik”.
Qeyd edək ki, 2010-cu ildə Kolumbiyada kömür mədənində baş verən partlayışda 73 nəfərin ölümü "ölkə tarixində ən faciəli qəza" kimi qeydə alınmışdı.
Bəsti Məmməd